Mascarada Iberica

Viana do Bolo e Vilariño de Conso organizan a Mascarada Ibérica, un encontro onde se dan cita numerosas agrupacións procedentes de Galicia, Castela e León, Portugal, Asturias e Cantabria para dar a coñecer os personaxes e máscaras dos seus entroidos, algúns deles verdadeiramente ancestrais. 

É todo un espectáculo ver percorrer as rúas destes pobos a tantas máscaras que doutra forma sería moi difíciles de ver. Moitas son verdadeiras obras de arte e as súas orixes son moi antigos. Os folións acompañaban o desfiles cos seus sons e ritmos sacados de tambores e ferramentas agrícolas. En moitos tambores poden verse restos de sangue xa que tocan durante horas e moitas veces chegan a sangrar quedando como un vestixio da paixón que poñen os integrantes do folión no seu entroido. Puidemos ver aos Troiteros de Bande, as impresionantes Caras de Lazarín e de Parada portugueses e o non menos espectaculares Sidros de Valdesoto asturianos. 

Por suposto Boteiros de Viana e de Vilariño, os Jurrus de Alija del Infantado de León, Talanqueira e Visparra de Vigo de Sanabria e San Martín de Castañeda de Zamora, o Antruido Pare de Piasca en Cantabria e os ourensáns Vellaróns de Riós, Peliqueiros e Parrafón de Campobecerros e os espectaculares Volantes de Santiago de Arriba de Chantada cos seus Maragatos, de Lugo. Numerosos folións deixarse vos a alma para lembrarnos que o entroido xa se achega, e que é tempo de tradicións que se perden na memoria. Durante unhas horas este recuncho de Ourense converteuse en epicentro do entroido do norte da península.

Material cedido por J. L, Ortiz

MAS FOTOS