Asasinato en Petin levado ao cinema

A película "Santoalla", dirixida por Andrew Becker e Daniel Mehre (EE.UU), que profunda no xerme do tráxico desenlace de Martin Verfondern, quen foi asasinado o 10 de xaneiro de 2010, aínda que os seus restos non apareceron ata catro anos despois, foi estreada o pasado venres con éxito no prestixioso Festival de Cinema de Edimburgo. 


Martín Verfondern, nacido en Alemaña pero nacionalizado en Holanda, asentouse xunto á súa esposa, Margot Pool, en Santoalla, unha pequena aldea de Petín, despois de buscar polo mundo un paraíso que estivese "libre de enerxía nuclear". Querían, tal como dise no filme, de 83 minutos de duración, "vivir da terra , lonxe das limitacións e as complicacións da cidade".

As malas relacións coa única familia que habitaba na aldea enseguida fixéronse patentes con motivo da explotación dos montes comunais. Verfondern e Pool convertéronse en "os estranxeiros que desafían as tradicións da familia Rodríguez, os residentes que quedan , acendendo unha década de conflito que culmina na desaparición de Martín".

De feito, hai un procedemento xudicial aberto no que dous irmán da aldea Juan Carlos e Xullo Rodríguez figuran como imputados polo asasinato do holandés.

A película Santoalla, en cuxa produción tomou parte a ruesa Cristina da Torre xunto aos propios directores da cinta, seguirá presentándose noutros festivais para posteriormente os seus responsables encargarse de buscar distribución para ser proxectada en España e Galicia.