Dos Brigadas contra el fuego para Viana

Dúas brigadas forestais asumirán os labores de prevención e tamén de extinción de incendios forestais durante tres meses en Viana, os meses deste verán, ata finalizar setembro. Anunciouno o alcalde nacionalista, Secundino Fernández, o alcalde de Viana explicou que este ano a Xunta concedeu unha menos que o ano pasado ao Concello, aínda que precisou que se cubrirá o que se poida.

As brigadas estarán formadas por un xefe, un condutor e tres peóns. Ademais, o rexedor ampliou o período solicitado para o vehículo motobomba adscrito ás brigadas, que o ano pasado foi de dous meses e que pasará neste verán a tres mensualidades.

                                     

O Concello de Viana iniciará as probas de selección do persoal para conformar as brigadas o máis axiña posible, debido a que todos os traballos de roza deberán estar finalizados e certificados debidamente antes do 31 de outubro. Ademais, comeza a época de maior risco de incendios no municipio.