Atopan morta á anciá desaparecida en Trives fai dez días.

Triste final para a desaparición de Raquel Pérez Carballo, a anciá desaparecida en Trives.
Ayer se organizo una búsqueda y la encontró un grupo de cazadores cerca de un arroyo.

Raquel Pérez Carballo, a anciá que desapareceu dun xeriátrico de Trives o 25 de agosto, foi atopada esta mañá sen vida preto do río Fiscaíño, no mesmo municipio.

Onte organizouse un amplo dispositivo de procura no que participaron unhas oitenta persoas, voluntarios das agrupacións de Protección Civil de Trives, Manzaneda, A Rúa e Vilardevós, ademais de veciños, coordinados pola Garda Civil. Foi un dos grupos, formado por catro cazadores e un garda civil, quen atopou o corpo sobre as dez da mañá. A anciá, de 82 anos e natural de Vimieiro (Castro Caldelas) apareceu preto dun arroio, boca abaixo.

Un dos cazadores que a atopou, Ricardo Álvarez, explicou que se vía un rastro de que a muller estaba sentada na zona e deslizouse cara ao regato onde apareceu cabeza abaixo. Un dos seus familiares, Víctor Manuel Pérez, agradecía o esforzo e atención prestada pola Garda Civil e Protección Civil para localizar á súa curmá.