Promocionando
o Entroido Artigo
de Rafa Quintía 13/09/2016
a las 21:13 publicado en Facebook
O
pasado sábado xuntáronse en Compostela un importante grupo de xente
da cultura galega. E non me refiro a escritores, artistas, actores,
catedráticos e demais senón á unha representación dese nutrido
grupo de xente que mantén vivo en Galiza a súa celebración máis
fascinante, potente e, na miña opinión, máis significativa do
ciclo festivo da invernía. Refírome, como non, ao Entroido. Quero
pensar que o fin teórico desta xuntanza será promocionar o entroido
galego. En todo caso sirve para que os miles de turistas que visitan
Compostela nestas datas se sorprendan coa potencia escénica dalgúns
dos noso entroidos e leven para casa unhas fotos coloridas de algo
que non saben ben que é nin que significado ten pero en todo caso é
pintoresco. Non falarei da organización, nin da “brillante” idea
de xuntar na praza do Obradoiro ás delegacións territorias do
sagrado Entroido cunha demostración-obradoiro de baloncesto.
Pregunto para min se farían o mesmo xuntando unha mostra dos pasos
da Semana Santa cunha feira de motocultores e de pienso para gando
porcino. En fin, no referente a min foi unha magnífica escusa para
ver a bos amigos que sempre nos tratan como da familia, para ir
sentindo xa a forza do Entroido e para cargarme as pilas co son
telúrico dos folións mentres non chega a sagrada e ancestral festa
dos galegos…e das galegas. Sei dalgúns que xa van empezar polo San
Sebastián xa me tarda. Viva o Entroido!!
Comentarios
Publicar un comentario
Deixe a súa opinión