XI Festival Internacional de Mascara Iberica

O XI Festival Internacional Mascara Iberica (FIMI) reunía a folions de diversos puntos da península ibérica (entre eles os folións de Vilariño de Conso e Viana do Bolo), en Lisboa 

Estaba previsto para a tarde do sábado 7 de maio, pero as intensas e continuas precipitacións caídas en Lisboa obrigaban a aprazar ata ao 8 de maio o desfile do XI Festival Internacional da Máscara Ibérica. A partires da once da mañá do domingo a praça do Rossio era tomada por multitude de personaxes enmascarados e polos rituais que os envolven. Entre eles estaban os folións de Viana do Bolo e de Vilariño de Conso, acompañados dos seus Boteiros. O ritmo dos seus toques enchía con forza o Rossio e engailoaba ao numeroso público.

Por esta céntrica praza da capital lusa desfilaban ademais outras máscaras españolas como os Sidros (Asturias), os Toros e Guirrios de Velilla de la Reina (León), os Diablos de Lujón (Guadalajara), os Jarramplás (Cáceres) ou os Homes de Musgo de Béjar (Salamanca). Eran asemade multitude os Caretos de diversos lugares de Portugal, xunto a Velha e Vilachá ou aos Pauliteiros de Palaçoulo. E especialmente chamativos pola singularidade do seu aspecto e o seu ritual resultaban os Mamutzones de Samugheo (Italia), as únicas figuras de fóra da península.

O FIMI, que incluía o desfile nun amplo programa de actos con citas como a Mostra das Rexións, ten sido organizado por Progestur en colaboración coa EGEAC (Empresa de Gestão de Equipamentos e Animação Cultural, da Cámara Municipal de Lisboa).

Fotos: Ángeles Rodríguez y  Carlos G. Hervella

video de:DOMINGOS SILVA