A picadura dun insecto deixa inconsciente a un camioneiro.

• Unha picadura dun insecto puido causar unha catástrofe.
  
• O condutor deu parado o camión na beiravia.
  
• Tiveron que trasladalo ao hospital de Verin.
  

A Garda Civil encontrouno dentro do vehículo, aparcado en plena A-52, en Riós, e trasladouno ao hospital
Cara ás 20,00 horas de onte, unha patrulla da Garda Civil de Verín observou un camión de transporte de vehículos que ocupaba por completo a beiravía na autovía Rías Baixas (A-52) no punto quilométrico 150 en dirección Benavente- Porriño á altura de Fumaces (Riós). 
Segundo informaron do Instituto Armado, os axentes aproximáronse ao vehículo para ver o motivo polo cal se atopaba estacionado nese lugar, ante a sorpresa de que o condutor do camión estaba semiinconsciente na cabina. A patrulla tentou pescudar que lle sucedía e finalmente "o ocupante do vehículo conseguiu balbucear que un insecto coouse na cabina e que lle picou", explicaron desde a Garda Civil. 

O condutor é de Toledo, Pedro F.L de 56 anos, e fontes de Tráfico aseguran que nun momento "mesmo chegou a perder a consciencia por culpa da picadura". 



Dada a situación, os axentes solicitaron a intervención de carácter urxente dos servizos sanitarios, que se desprazaron ata o lugar cunha ambulancia do 061. O persoal sanitario, tras valorar o estado do condutor, finalmente decidiu trasladalo de inmediato ao Hospital de Verín. 


Polo momento, descoñécese que tipo de insecto en concreto foi o que picou ao condutor, aínda que a Garda Civil sostén que puido ser unha avispa.