A derradeira folla MV

Ocúrreseme agora que non caben

as horas neste día.

Agora, que caeu a derradeira folla

da maceira e aínda están

por recoller tódalas outras que caeron,

e non caben, non van caber nas horas tantas follas

barridas polo vento.

Non quixera

desfacerme delas aínda sendo

vellas follas que soan o quebrarse

tanxendo

os meus vellos recordos.

Recolloas a moreas e vounas axuntando

nun recuncho da terra.

Quero plantar encima,

cando este inverno acabe,

unha nova maceira.

Manoli Vicente Fernández